Ritstuldur í viðskiptafræðideild HÍ?

Doktorsnemi í deildinni mun víst hafa orðið uppvís að því að stela heilu og hálfu köflunum og nota í doktorsritgerð sem hann skilaði inn. Í byrjun júlí var sviðsforseti upplýstur um þetta. Hann gerði ekkert í málinu þó hann teldi það grafalvarlegt. Eftir að málið komst í hámæli innan deildarinnar var nemandinn hins vegar tekinn út af lista deildar yfir doktorsnema sennilega til að reyna að fela það að hann hefði verið þar!

En þetta mál á sér fleiri hliðar. Leiðbeinandi nemandans uppfyllti ekki þær faglegu kröfur sem gerðar eru til þeirra. Hann var ekki sérfræðingur í viðfangsefni ritgerðar nemandans. Og þess vegna áttaði hann sig ekki á ritstuldinum. Við þessu var margbúið að vara. Ef ekki hefði komið til árvökull meðleiðbeinandi hefði nemandinn líklega lokið doktorsprófi jafnvel með láði!

En sagan er ekki öll. Leiðbeinandinn 'slysaðist' til að skrifa grein með nemandanum. Ekki virðist hafa tekist betur til en svo að eitt og annað sem aðrir höfðu skrifað orðrétt annars staðar lenti óvart í þeirra grein. Ef rétt er þá er þetta hið versta mál. Hart væri tekið á þessu ef meintir dónakallar væru utan háskólans eins og nýlegt dæmi sannar.

Það sem kannski er verst í þessu er að enginn veit hvort allt var með felldu þegar þær fjórar doktorsnafnbætur sem deildin hefur veitt voru veittar því a.m.k. í sumum tilfellum uppfylltu leiðbeinendur, aðrir í doktorsnefndum  og andmælendur í doktorsvörn ekki þær faglegu kröfur sem gerðar eru til þeirra. Og við vitum ekki heldur hvort allt verður eins og það á að vera í framtíðinni því ekkert hefur breyst hvað val áleiðbeinendum og öðrum varðar!

 

 

 

 

 

 

 

 

 

Athugasemdir

[Gunnr (IP-tala skráð) 1.10.2013 kl. 14:49]

Þetta er blátt áfram ömurlegt. Ég hef fylgst með þessu erlendis frá. Raunar er HÍ mjög misjafn eftir deildum. Lagadeild er í raun á akademisku menntaskólastigi og fólk þaðan fær prófessorstitla án doktorsgráðu enda ljósár milli þeirra og háskóla Evrópu og Bandaríkjanna.

Raunar eru það heilbrigðissvið með Læknadeild í fararbroddi sem birtir mest og mest og mest af high impact greinum og síðan er það raungreinasvið með jarðfræði/jarðeðlisfræði eins eru fámennar greinar að skila miklu. Þessi tvö svið eru með yfir 90% af skráðum fræðigreinum og að mig minnir 93% af high impact fræðigreinum meðan hinar greinarnar skila sáralitlu og þá á herðum örfárra manna.
Nú er læknadeildin í frjálsu falli og ef RANNÍS sker niður styrki verður akademiskur flótti í greinum með alvöru akademíu. Klárlega er hættan minnst í Lagadeild þá vill væntanlega enginn og væntanlega sitja svokallaðir prófessorar sem fastast enda eru þeir væntanlega jafn eftirsóttir og íslenskir stjórnmálamenn og bankamenn.